क्यामरुनसँग सीमा जोडिएको नाइजेरियाको उत्तरपूर्वी क्षेत्रमा जिहादी समूहले गरेको आक्रमणमामण गरेका थिए पाँच जना सैनिकको मृत्यु भएको छ। बहुराष्ट्रिय सुरक्षा बलका ती सैनिकहरूमाथि इस्लामिक स्टेट पश्चिम अफ्रिका प्रान्तका लडाकुहरूले वुल्गो सहरस्थित संयुक्त सैनिक क्याम्पमा आक्र।
सैनिक अधिकारीका अनुसार शुक्रबार बिहान सबेरै भएको उक्त आक्रमणमा चार नाइजेरियाली र एक क्यामरुनी सैनिक मारिएका छन्। लडाइँमा नौ जना आक्रमणकारी पनि मारिएका छन्। लडाकुहरूले सैनिकहरूलाई पछि हट्न बाध्य पारेर क्याम्प कब्जा गरेका थिए।
नाइजेरिया, क्यामरुन, बेनिन, चाड र नाइजरले सीमावर्ती क्षेत्रमा सशस्त्र समूहविरुद्ध संयुक्त सुरक्षा बल परिचालन गरेका छन्। तर नाइजरको फिर्ता र चाडको सम्भावित बहिर्गमनले यस अभियानमा अवरोध पुगेको छ। आक्रमणमा लडाकुहरूले दुई बख्तरबन्द गाडी र पाँच सैनिक गाडी जलाइदिएका छन्। साथै, स्थानीय शिकारीहरूका मोटरसाइकलहरू पनि लुटेका छन्।
इस्लामिक स्टेटसँग आबद्ध लडाकु समूह र बोको हरामले सैनिक क्याम्पहरूमा आक्रमण तीव्र पारेका छन्। सन् २००९ देखि जारी विद्रोहको केन्द्र बोरनो प्रान्तमा यस्ता आक्रमणहरू बढ्दै गएका छन्।
