साताको कारोबारको पहिलो दिन आज एक तोला सुनको मूल्य घटेको छ। आज एक तोला सुनको मूल्य रु एक लाख ८४ हजार १०० कायम भएको छ।
नेपाल सुनचाँदी व्यवसायी महासङ्घका अनुसार गत बुधबार सोही परिमाणको पहेँलो धातु रु एक लाख ८८ हजार १०० मा कारोबार भएको थियो। आज एक तोला चाँदी रु एक हजार ९१० मा खरिदबिक्री हुनेछ। गत बुधबार एक तोला चाँदी रु एक हजार ९६५ मा कारोबार भएको थियो।
अन्तरराष्ट्रिय बजारमा प्रतिऔँस सुन तीन हजार दुई सय ४१ अमेरिकी डलर हाराहारीमा कारोबार भइरहेको अन्तरराष्ट्रिय सञ्चारमाध्यमहरूले जनाएका छन्। भारत–पाकिस्तान वैमनस्य तथा चीन–अमेरिका व्यापार द्वन्द्वका कारण सुनचाँदीको मूल्यमा केही कमी आएको जनाइएको छ।
