काठमाडौं प्रहरी परिसरले जुवातास खेलिरहेको अवस्थामा १० जनालाई पक्राउ गरेको छ। प्रहरीका अनुसार काठमाडौं महानगरपालिका-२९, अनामनगरस्थित एक घरमा जुवातास खेलाइरहेको भन्ने सूचनाको आधारमा छापा मारिएको थियो।
दोलखाका रामजी बस्नेतले कोठा भाडामा लिई जुवा खेलाउने गरेको प्रहरीले जनाएको छ। प्रहरीले जुवा खेलिरहेको अवस्थामा रामजी बस्नेतसहित १० जनालाई नगद २ लाख ५७ हजार ४०० रुपैयाँ, ९ बुक तास र १० थान मोबाइलसहित पक्राउ गरेको हो।
पक्राउ पर्नेहरुमा दोलखाका रामजी बस्नेत, किशोर सुनुवार, रोल्पाका देवानन्द डाँगी, सिन्धुपाल्चोकका दावाङ्ग दोर्जे शेर्पा, नरध्वज श्रेष्ठ, दावा शेर्पा, गौरी न्यौपाने, सोलुखुम्बुका साङ्गे शेर्पा, ओखलढुंगाका पवन कार्की र बाजुराका सागर ठकुरी रहेका छन्। उनीहरुलाई काठमाडौं जिल्ला अदालतबाट ५ दिनको म्याद थप गरी अनुसन्धान भइरहेको प्रहरीले जनाएको छ।
पक्राउ परेका व्यक्तिहरुको विवरण यस प्रकार छ: रामजी बस्नेत (वर्ष ४०, दोलखा), किशोर सुनुवार (वर्ष ४७, दोलखा), देवानन्द डाँगी (वर्ष ५१, रोल्पा), दावाङ्ग दोर्जे शेर्पा (वर्ष ५०, सिन्धुपाल्चोक), नरध्वज श्रेष्ठ (वर्ष ५५, सिन्धुपाल्चोक), दावा शेर्पा (वर्ष ४०, सिन्धुपाल्चोक), गौरी न्यौपाने (वर्ष ४३, सिन्धुपाल्चोक), साङ्गे शेर्पा (वर्ष ४२, सोलुखुम्बु), पवन कार्की (वर्ष १९, ओखलढुंगा) र सागर ठकुरी (वर्ष ४०, बाजुरा)।
